18 October 2009

قصة جميلة جداً

DSC00326
اليوم كان يوم من الايام اللي تمر علي بين فترة و فترة…أيام يصير فيها اكثر من شي مو زين ورا بعض…
كنت طالع و دعمني واحد…
اللي اعرفه ان 777 غيروا رقمهم (ثلاث سبعات اهوه رقم الطوارئ سابقاً في الكويت) و الحين تغير الرقم، دقيت على 132 شالته وحده جان اقولها بغيت ابلغ عن حادث…جان تقولي بس هذا رقم وزارة الصحة لووول
طلع الرقم اللي كل مكان اشوفه رقم افلونزا الخنازير مو رقم الطوارئ اليديد….قلتلها زين جم رقهمهم اليديد مو غيروه اهمه؟
جان اتقولي امبلا…
قلتلها جم صار؟
جان تقولي مادري دق على 777…
قلتلها زين و صكيته.
دقيت على 777 شالته وحده جان تقولي خلاص انزين اشوي تيليكم سيارة الشرطة…شوي جان يدق علي واحد يقولي معاك المخفر تعالولنا هناك….قلتله انزين
قلت حق اخوي قول حق المجرم المخفر دقوا و قالولنا تعالولنا هناك و راحله و ذاك قام يدقدق تلفونات.
شوي جان يرن تلفوني برقم يبدا في 18 و تقولي ها يولكم سياة الشرطه؟
قلتلها لأ بس دقوا علي قالولنا تعالوا المخفر…جان تقولي انتوا الحين رايحين المخفر؟
قلتلها لأ هذا قاعد يدقدق تلفونات الظاهر بيشوفله عضو مني مناك…
جان تقولي ليش اشصاير؟
قلتلها تدرين الكويت ماشيه جذيه هاليومين
(كنت معصب وقتها)
المهم رحنا المخفر جان يقولون الحين زحمه تعالوا العصر…
رحنا المغرب المخفر و طبعا فرفرونا قالولنا روحوا صوروا اوراقكم و تعالوا.
رحنا و ردينا، يقولنا الشرطي تبون صلح؟ متفقين منو الغلطان؟
قلتله اهوه غلطان…
جان ذاك يقول ان انا اللي غلطان…يعني وحدة بوحدة  لووول
دشينا بعد ما رحنا صورنا اوارقنا و ردينا على المحقق و قعد يسأل شلون صار الحادث و جذي، اخر شي طلع ذاك اهوه الغلطان يقول انا دشيت على الرمل و طالعت يمين و يسار و مادري من وين طلعلي (قصده انا)…جان يقوله المحقق نزل عليك من السما
وقتها حسيت نفسي ملاك
لووووووووووووووول

3 comments:

moayad said...

أهم شي إن النهاية سعيدة

:D

sayedabdelrahman said...

ألف سلامة ليك يا بيشو والحمد لله قدر ولطف وما تشوف شر ان شاء الله

radiantguy.com said...

مؤيد..لا هذي نهاية مفتوحة...النهايه السعيده تكون لما اللي دعمني يشتريلي بنتلي باب واحد
:\

ابو العربي....الله يسلمك :)