I don't have plenty of non Arab visitors to my blog, infact i rarely have visitors at all LOL
But if you are interested to know what have I done exactly during that photo session, post a comment and I will translate
من زمان ما كتبت شي عن التصوير بس اليوم قلت لازم أكتب شي...
في يوم عيد الأم يبت حق أمي عطر narciso rodriguez مع معطر للشعر و after shave
لا مو افتر شيف اقص عليكم لوووول...مع لوشن كلهم نفس العطر، و إكتشفت بعدين انه مو عاجبها فقلت ما راح اييبلها شي بعد :P
المهم...قبل ما اعطيها اياه قلت خل اصورهم، بما ان صارلي فترة هاب في تصوير الطبيعة الصامتة Still life و التصوير التجاري تحديداً.
كانو محطوطين في علبهم، ما فتحتهم...حطيت الخلفية جيس أسود بنفس ماركة العطر و كانت الأرضية في أول لقطة على ورق بورد أبيض عليه بقع وردية بس ما عجبني بعد أول صورتين...غيرت ورق البورد و حطيت بداله منظرة (مرآة)، و حبيت الصور أكثر بس اثنين من العلب لونهم ابيض و وحدة لونها وردي...عشان اسوي تباين بينهم أكثر شلت علبة بيضا منهم و حطيت بدالها بطل العطر اللي لونه أسود و طلعت بالصورة اللي تحت اللي إستخدمت فيها ثلاث فلاشات، واحد على الكاميرا و واحد على اليمين و واحد على اليسار.
طبعاً انا حبيت أسوي شي ثاني بعد بالإضاءة، فحطيت البطل الأسود هالمرة بروحه مع فلاش واحد وراه و فلاش واحد على اليسار و فلاش على الكاميرا، و رشيت ماي على الأرضية...ما طلعت النتيجة مثل ما كنت اتمناها و ما جربت أكثر لأني كنت قاعد على السيراميك و حدي متكسر لووول
العيب في الصورة الثانية:
1. المفروض يكون في إضاءة من فوق عشان يبين الغطا
2. لازم امسح المنظرة مالتي عشان الغبار صار طين لووول
و الحين أخليكم تشوفون الفيديو اللي صورته نفسي و انا قاعد اسوي جلسة التصوير هذي :P
youtube
flickr video
No comments:
Post a Comment