صورت هالصورة في يناير 2009، كنت راد البيت من الدوام و لفت نظري شكل الغيم…و كان زين مني يومها اني يايب كامرتي ما اذكر ليش.
وايد حاب الصورة لي درجة اني قررت ما اشارك فيها احد، كنت مفكر اني أنشرها في فلكر باليوم الوطني حق الكويت فبراير 2010 بس بوقتها رحت دبي و نسيت و ما نزلتها الا بعد ما رجعت…مثل ما انتوا عارفين ان ذاكرتي اي شي…و اذا لي الحين مو عارفين، الحين صرتوا عارفين.
الصورة كانت في الهارد دسك مدة طويلة، ما اشتغلت فيها لغاية يونيو 2009 لما شاركت في معرض هوايات الدبلوماسيين الثاني و اللي تم بثه على تلفزيون الكويت (تقدرون تشوفونه تحت الا اذا ما تبون تشوفونه و تبوني اذبحكم كلكم).