14 September 2008

Large Hadron Collider

مصادم الهدرونات الكبير (Large Hadron Collider و يعرف إختصاراً بإسم LHC) هو أكبر مشروع علمي بتاريخ البشرية بالحجم، سووه كمحاولة لإعادة اللي صار في الإنفجار الكبير (لحظه ولادة الكون)...و هو نتاج عمل عدة دول و مكانه صاير بين الحدود السويسرية الفرنسية.

هذا اللي الأجانب قاعدين يسونه، أما عندنا إحنا لي الحين يعلون الواحد على ما يقدر يطلع تصريح عشان يصور مكان عام و اذا قدرت تصور يبوقون صورتك باردة مبردة.

المهم، المشروع اللي مسوينه يقولون في إمكانية انه ينتج بعد تشغيله ثقب أسود ممكن يبتلع الأرض (بالعافية عليه إذا صارت) و لقيت هالصورة و قلت براويكم إياها عشان تخافون...بخخخخخخخخخخ
هالموضوع ينكتب بكل مكان في كل جرايد و مواقع الإنترنت في العالم الغير عربي في حين عندنا لا حس و لا خبر و لا كأنهم بشر من نفس الكوكب.

11 September 2008

شي يبط الجبد

- محطة الكهربا اليديدة سمعنا فيها و ما صارت لي الحين
- مدينة الحرير و جسر الصبية خلونا نحلم فيهم و ماكو شي
- مصفاة النفط الرابعة طق اعصي عليها كل يوم بالمجلس
- تغيير لوحات السيارات اليدد في الكويت توقف عشان اللوحات خلصوا و ما عندهم غيرهم
- تجديد الجوزات في الكويت ياخذ بحدود الشهر الحين و السبب ان ما عندهم مواد خام اللي يسون منها من الجوازات

في أوطى من جذيه يا ربي؟
 شي يحرق الدم...العالم كلهم ماشيين لي جدام و إحنا حتى مو واقفين مكانا و نطالع لأ، قاعدين نرجع ورا و نطالع!

الله يستر من الياي

07 September 2008

قطوة الفريج

كان عندنا قطوة بالفريج، يابت عيال و اختفت عن الساحة و عيالها كبروا و يابوا عيال و بعدين اختفوا و ظلت وحدة يابت عيال و انتوا رايحين...الغريب في الموضوع إن القطوة اللي كانت تظل كان لونها دايما نفس لون "اليدة" (الجدة بالعربي الفصيح) العودة أبيض و مبقعة بألوان ثانية.

المهم أيام الجيل ما قبل الأخير (كان هالحجي قبل جم سنة) كنت طالع برة و الا أشوف قطوة صغيرة ضعيفة حدها مادري وين أمها كسرت خاطري راح تموت كانت...ف حطيتلها حليب في "طاسة" و ما كنت تعرف تشرب منها لأنها لي الحين صغيرة و المفروض ترضع...جان اشيلها و احطها مع عيال قطوة الفريج و أهمه يرضعون...قربت منها الأم و قعدت "تشمها" جان تطقها!

شلتها منها و وديتها بعيد و قعدت أفكر "ملياً" شلون أحل هالموضوع...
القطوة الصغيرة ما تعرف تشرب من الطاسة و قطوة الفريج مو راضية ترضعها مع بناتها...
آخر شي شلت وحدة من عيالها الصغار، حطيت عليها ماي و قعدت أحكحكها في القطوة الصغيرة عشان تصير نفس ريحتها...

و بعدين رجعت و انا شايل القطوتين معاي و حطيتهم عن الأم...
قربت الأم من بنتها...شمتها..و قعدت تلحسها...
بعدين قربت من القطوة الثانية...شمتها...و قعدت تلحسها!

يعني تجربتي نجحت و صار حالي حال مندل و اينشتاين و نيوتن!

بعد فترة القطاوة و الأم صار فيهم حزازه (فطريات بشعرهم) و صلعوا كلهم من القطوة اللي لقيتها لوووووووول

04 September 2008

Youtube subtitles

Youtube recently added new feature to their service which is subtitles, it's similar to google video subtitles (shown below)...Their goal is allowing their members to reach wider audience.

قامت شركة يوتيوب مؤخراً بإضافة خدمة جديدة لموقعهم و هي إمكانية إضافة ترجمات للفيديو باللغات الأخرى، و هي خدمة شبيهة بخدمة فيديو غووغل (المبينة أدناه)...هدفهم هو جعل الأعضاء الذين يقومون برفع فيديوهاتهم الوصول إلى جمهور أكثر.

03 September 2008

غووغل كروم - الإصدار الرسمي


نزلت اليوم النسخة التجريبية من متصفح شركة غووغل الجديد تحت إسم غووغل كروم...مثل ما قلتلكم في التدوينة السابقة.
اول ما لفت نظري فيه سرعة إستجابته الغير طبيعية و اللي ما تتقارن في انترنت اكسبلورر و وحتى فايرفوكس اللي كنت انا اكتب فيه شعر (مع العلم ان فايرفوكس 3 فيه مميزات ما تخطر على بالك أحد)...

اللي يشوف واجهة إستخدام كروم، بيحس ان شاشة كمبيوتره صارت كبيرة...وايد مرتب و نظيف حتى بالغصب بتشوفون المكان اللي نكتب فيه العنوان (يسمونه اومني بوكس)...ما راح اتكلم اكثر و بخليكم تجربونه.

لتحميل نسخة من غووغل كروم زوروا الوصلة التالية:
http://www.google.com/chrome/

Official Google Blog: Google Chrome now live

02 September 2008

Official Google Blog: A fresh take on the browser

قررت شركة غووغل طرح متصفح انترنت يديد مفتوح المصدر، اسم المتصفح كروم و من المفترض ان ينزل منه النسخة التجريبية في 100 دولة يوم 2 سبتمبر 2008.

طولت غووغل على ما دشت هالمجال بس السؤال اهوه بيقدرون ينافسون فايرفوكس؟
خصوصاً ان النسخة الثالثة من فايرفوكس فيها بلاوي!

Official Google Blog: A fresh take on the browser

28 August 2008

ما خلوا شي

أمس بالصدفة أكتشفت خبر ونسني و ضيق خلقي بنفس الوقت...اللي اهوه إعلان شركة نايكون عن أول كاميرا إحترافية تصوير فيديو High Definition.
الكاميرا اليديدة اهي Nikon D90 و تعتبر النخسة المطورة من كاميرتي الحالية D80.

اليوم و انا قاعد احوس بالنت و انا بالدوام...اكتشفت نوع يديد من بطاقات تخزين الـ SD cards...هالنوع اليديد ينربط بشبكات الانترنت اللاسلكية و اللي تعرفونها بـ WiFi...تصورون بالكاميرا و يندزون الصور على طول بدون وايرات ولا شي لي كمبيوتركم او موقعكم على الإنترنت او على الاثنين بنفس الوقت!

انا الحين نفسيتي تعبت حيل ف يا ريت تسونلي قطية و تيبيونلياهم :(

17 August 2008

Trailer of my first movie ever!الهدوء الذي يسبق العاصفة

Here is my first video production, well...
Not really, it's just the trailer...Enjoy but let me know what do you think :Pp~

فيلم دعائي عن أول فيلم من انتاجي و هذا طبعاً بالتعاون مع يونيفيرسال و بيكسار و ديزني و انتوا رايحين لووول
:Pp~

One long blog

I didn't know what to call this blog...
I haven't been so active blogger recently because I've been away (Tunisia) then I cameback and I kinda lost my track of time...Now I'll take you back to my birthday on 23rd of July 2008...

ما كنت ادري شنو اسمي "هالتدوينة"...
صارلي فترة مو نشيط بالكتابة عشان كنت مسافر تونس و لما رجعت كان وقتي خربان...الحين باخذكم ورا ليوم عيد ميلادي 23 يوليو (7)2008...

On my birthday, I wake up (late to work of course) and I had a headache as usual, on my way to work I had a flat tire...It was more like a tiny explosion...I called my father to get me his car and take mine because I didn't want to mess my clothes up...He just yelled at me as usual...

يوم عيد ميلادي قمت من النوم متأخر كالعادة عالشغل و انا بالطريج بنشرت سيارتي (كان اقرب حق انفجار صغير من انه بنشر عادي)...المهم دقيت على ابوي عشان ايبلي سيارته و ياخذ سيارتي مابي اوصخ هدومي و انا متأخر...و سمعني شعر كالعادة...

At work, my supervisor told me why are you late today?
I replied: It's my birthday and I had a flat tire but I have no idea if she believed me or not LOL

في الشغل، مسؤولتي قالتلي ليش متأخر اليوم؟
قلتلها: اليوم عيد ميلادي و بنشجرت سيارتي بس مادري صدقت و الا لأ :\

I almost had a fight with a guy at work, but usually I just walk away before I reach the point were I lose it.

و انا هناك بقيت اتخانق مع واحد حمار حشاكم بس نوعيتي انا لما اعصب امشي عشان ما اظل لي الاخر و انسى نفسي...عشان ما اقلبها فلم saving private rayan

At night, my sister came we had some cake and I left to the airport because I had to go to Tunisia.

في الليل اختي يت و كلينا كيك و بعدين رحت المطار على طول عشان كنت بروح تونس.

Tunis | تونس

In Tunisia, I met people who I knew since the year 2000 online, through phone and SMS (text msgs) for the first time (including Latifa).

في تونس...قابلت ناس كنت اكلمهم من سنة 2000 في الانترنت، و بالتلفون و المسجات للمرة الأولى من ضمنهم لطيفة.

Details later...التفاضيل بعدين
=========================================


Yesterday I went to the beach with some friends,I slipped on a rock and I had a cut on my sole...Today I was late to work (again) and my supervisor asked me why?
I said: My sole hurts...See?
LOL
At the time, my wound wasn't covered.

امس رحت البحر مع ربعي و زلقت على صخرة و انشقت قاعة ريلي...إتأخرت اليوم عالشغل و قالتلي مسئولتي ليش تأخرت اليوم؟
قلتلها: ريلي تعورني..شوفي لووول
بوقتها الجرح ما كان لابس هدوم :+
========================================

This is to show you how unlucky I am:(
هذا بس عشان تعرفون ان بختي مايل نفس القلاصات اللي شريتهم من تونس :(

انكسر واحد منهم و انا طالع من الفندق و رايح المطار زلقت و طحت على اعزيزويي زين ما انكسر اهوه بعد


11 August 2008

I am back!


Well it's been more than two weeks since my last post, that's because I had a vacation to Tunisia and then I finally had the chance to meet Latifa 5 times within 9 days; I am not going to talk about this now, but maybe later in details with photos and videos :Pp~

I super hate the police men in their airport because they made me forget two posters I've got from there :(
They made me go back and forth many times and that's why I forgot them :(

كرهوني بعمري شرطة مطار تونس قرطاج....حتى في بوكي طلوا اللي يقول الحين اسكت عملتهم بالسما...فتشوني بمطارهم أكثر من ما تفتشت بمطار الكويت و انا راجع من تونس...بس هم شفت لطيفه 5 مرات في 9 ايام و هذا كافي :Pp¬

I think the clock above is the landmark of Tunis (the capital not the country), even while I was taking that photo police men were standing by me because their ministry of interior was just on the other way.

One more thing...Yeah I had fun since I had the chance to meet Latifa 5 times within 9 days (In case you didn't read the first lines).
:Pp¬

انا اعتبر الساعة اللي فوق علامة في تونس العاصمة (مثل ابراج الكويت في الكويت)...حتى و انا قاعد اصور هالساعة كان واقف يمي شرطي عشان كانت وزارة الداخلية مالتهم بظهري...حمدلله و الشكر مادري شلون بصور بظهري!

انا رديت لكم أخيرا...قرت عينكم :P